منتدى الحرية
http://sarralamarocaine.net/vb/m_haj/images/hed%20(3).gif

انضم إلى المنتدى ، فالأمر سريع وسهل

منتدى الحرية
http://sarralamarocaine.net/vb/m_haj/images/hed%20(3).gif
منتدى الحرية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

نكت مغربية مضحكة

2 مشترك

اذهب الى الأسفل

نكت مغربية مضحكة Empty نكت مغربية مضحكة

مُساهمة  adiyoo السبت أغسطس 29, 2009 6:59 am

السلام عليكم و رحمة الله و بركاته


-قاليكم هدا واحد من صغرو او هو خدام عمرو خرج للزنقة فاش كبر جوجاتو الوالدة ديالو ، لغد ليه خرج كايطلب فيها عافاك الوالدة خليها تبات عندنا مازال ليوما.

-هدا واحد سول صاحبو شناهي ’pourquoi’ بالعربية جاوبو صاحبو علاش قاليه لا غير سولتك.

-قليكم هادا واحد المكلخ سخرو باه قليه هاك جيب 5 دراهم نعناع يلاه ولدو غايخرج قاليه هاك ها 5 دراهم واحدة خرا جيب بها الزعفران , دري غبر او هو يتم جاي تيجري سولو باه فين السخرة قاليه الدري الواليد فين 5 دراهم لينجيب بها الزعفران او فين ليغانجيب بها النعناع.

قال ليك هدا واحد الراجل أعمى كان غادي فطريق هوا يجي عندو واحد دري{طفل} تمتام بغا يوريه الطريق وصلوا لواحد الحفرة هوا يقول ليه الدري ححححححححححححححح حفرة أهما يطيحو لأعمى قال لمرة الجاية غي يقول حححححححح نقفز أهوا يقول ليه الدري حححححححححح أهوا يقفز أهوا يدخل فحيط


سيارة فيها كلشي بالكمبيوتر َتيْنَبه مولاها عند أي تجاوز..شعل كٌارو قاليه : اطفي اطفي الكٌارو .. حط رجله على الدواسة،الكونتور(العداد) طلع ل 80 كلم/ س قاليه : انتبه انتبه انت بسرعة ثمانين كلم/س.. زاد وَرﱠك طلع للمائة.. زاد ورك طلع لمياتين وهو يقول ليه :ناري ناري باغي تقتلني الحيوان .. وقف وقف انت إلى عاجبك راسك أنا مغديش معاك يلاه نزلني وتلاح

..عدول جاءت عندو امراة وراجل باش يعقد عليهم قال ليها شنو الإسم ديالك قالت ليه جميلة مني شاف فيها لقاها قبيحة وهو يلوح ليهم الوثائق وقال للشهود : سيرو بحالكم راكم غادين تشهدوا الزور

واحد اهدى لحبيبته وردة فرحات بها بزاف مقداتهاش الدنيا.. وهي تقول ليه : هذه الوردة عطيتيها لي من قلبك؟ قال ليها لا من الحديقة..


محشش وقفو بوليسي ولاحظ بأن لوحة الأرقام الأمامية مختلفة على الي في الخلف قاليه : منين هدو ماتيتشابهوش فيها إن؟ مد ليه شي حاجة في يده وقال ليه : إن وأخواتها..علاه دبا انت وجهك تيشبه لكٌفاك..


محشش وقفو بوليسي وقال ليه : تامال الماتريكيل (رقم السيارة) مباينش؟ وهو يقول ليه: متخممش أجمي راني حافظو ﭘـ ا ركور (عن ظهر قلب)..


واحد مشى تيسول على صاحبه من مدة مشافو.. دق في باب الدار خرجت أمه .. قالت ليه صيفتناه أولدي يشري اللحم شهرين هذه مبان.. وقال ليها وشنو درتو قالت ليه الدجاج..

غبي تيتفرج في التلفزة وشاف واحد نقز من فوق عمارة عالية ومربوط بحبل وقال والله هذه تاساهلة .. اختار عمارة علوها 30مترواشترى حبل طوله 26مترطلع فوق العمارة وتلاح ..مني هبط راسو تغرس في الأرض ..الناس ﮔ اع قالو ولد فلان انتحر..في التحقيق ديال البوليس سولو الدرو ﮔ ري:شحال بعتي ليه من متر؟قال ليهم هو طلب لي 26متر ولكن مني باه صاحبي زدتو 4 مترومن عندي فابور..

واحد مشى عند آخر وقال ليه تشهد لي زور وتاخد عشرلاف بلا فلان سلفتو مليون ومردهاش لي. صافي ؟ وهو يقول ليه على باقي مردهاش ليك تنكٌوليك أصاحبي مبقيش تسلفو.. هداك راه جرارة


التمساح جاب الربيع فرشو باش ينعس..نسى شي حاجة مشى يجيبها ..القرد حاضيه..خلاه مشى وهو يرمي ليه الربيع في الواد داه التيار..مني رجع ملقا والو.. هز عينيه للفوق وهو يشوف القرد سولو : ماشفتيش شكون هز لي الربيع القرد..وهو يقول ليه بالعمى ماشفتو أبوبريص


واحد شاف صاحبو سكران تيكتب الثمنية برجليه معقلش على راسو ..خاف عليه لتجي السطافيط تديه قال ليه : مالك أصاحبي حالتك حالة.. يلاه يلاه نوصلك للدار..قال ليه عي خليني الساط راني تنتسنى دارنا دوز وندخل ليها..يتوب عليك..


واحد دايز على سكران وهو يسولو على عنوان مكتوب عنده في ورقة .. شدها وتعطل في القراية مقفل والو.. وهو يقول ليه : هاد صاحبك ألخوادري مقالش ليك فين ساكن..


واحد فين ما تيسكر تيعجبو يكٌلس جنب الطريق..الطموبيل الي دازت تتكلاكسوني :طوط ..تيرد عليها: وعليكم السلام.. طوط .. وعليكم السلام..دايز واحد وهو يقول ليه : السلام عليكم ..وهو يقول ليه طوط..


بوجادي سرقو ليه الطوموبيل سولوه على الرقم قال ليهم :نكٌول ليكم تسعلاف أممممم تسعلاف وشي7 أولى 8هكاك.. كول عشرلاف مواصلاش..


واحد قال لصاحبه: مشيت للحمام وهو يدخل لي الماء لودني.. قال ليه: ذخل ليها الضوء وكريها..


واحد جاه الوجع مشى عند الطبيب .. قال ليه شنو كليتي؟ قال ليه بيمو ديال الدجاج.. ضامات ديال البنة ماجي أو كنور..


قطة دايزة لقات قط تينبح تعجبات وقال ليه وتامالك تلفتي الله تبقي الستر ؟ قال ليها :أ مكيف..أوكاعي فيها شي حاجة..


شنو الفرق بين الحولي الجاهل والحولي المتعلم؟

الحولي الجاهل تيقول ماااء

والحولي المتعلم تيقول H2o


واحد قالو ليه مني تاكل سمي الله راه الشيطان تياكل معاك ناض دار السم في الماكلة



علاش الخباز تيحيد المكٌانة من يده مني تيبغي يعجن ؟ باش يمنع اختلاط الدقيق بالدقيقة


دري نزق بغا يتريكل على جده وهو يسولو: شحال هذه ماكلتي اللحم.. أجدي؟

وهو يولي على امها ديب رقق صوته وعوى :

شحاآآآآآآآآآآآآآآآآآآآآآآآل هادي..


الدار الي فيها الأحول فيها البركة.. حيتاش تيشوف جوج من الحاجة .. هههههههههه


أحول ضرب راسو مع الحيط قال : آآح أمي رجلي..


قزم طاح من الطابق العاشر تعلق في التروتوار الرصيف..


واحد كال أوأكل صابونة .. بغى يغسل مصارنو..


مكلخ بغاو يعدبوه عطاوه ورقة مكتوب عليها من الوجهين إقلب الصفحة..
adiyoo
adiyoo
عضو مميز
عضو مميز

عدد المساهمات : 232
تاريخ التسجيل : 19/08/2009
الموقع : المغرب

الرجوع الى أعلى الصفحة اذهب الى الأسفل

نكت مغربية مضحكة Empty رد: نكت مغربية مضحكة

مُساهمة  fati السبت أغسطس 29, 2009 8:38 am

ههههههههههههههههههههههههههههه

جزاك الله الف خير
fati
fati
مديرة المنتدى
مديرة المنتدى

عدد المساهمات : 326
تاريخ التسجيل : 18/08/2009
العمر : 30
الموقع : المغرب

https://saraalmaghribiya.ahlamontada.com

الرجوع الى أعلى الصفحة اذهب الى الأسفل

نكت مغربية مضحكة Empty رد: نكت مغربية مضحكة

مُساهمة  adiyoo السبت أغسطس 29, 2009 12:02 pm

شكراا على المرور
adiyoo
adiyoo
عضو مميز
عضو مميز

عدد المساهمات : 232
تاريخ التسجيل : 19/08/2009
الموقع : المغرب

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى